2054208194886930964305459023536687124329124620425345324432245227212526005525430010231005910972575227800005423858567245242500231905922702611555

5/14/2017

" نفسي يارب اقولك حاجه "



 بقلم بيشوي مجدي
 نفسي يا رب أقولك حاجه 
علشان قلبى واجعنى بجد 
أصلى يا رب بكل سذاجه 
بتعلق من حد لحد 
واللى سامحته اكمنُــه وجعنى 
رد بقوه ولــطم الخد 
حتى حبايبى يا رب سابونى 
واللى شاريتهم قامو باعونى 
وانا افضل جدا من غيرهم 
أو بكدب و كإنى تمام 
 نفسي يارب اقولك حاجه 
أو يمكن مش لاقى كلام 
معظمهم بالشر كسانى
 واللى شافونى بظن وسوء
 واللى كسرنى واللى رمانى
 بعد ما خدتُـه معايا لفوق 
حتى صحابى يارب نسونى 
انا فعلا جدا مخنوق 
حتى حبيبتى يارب " فلانه " 
كنت فاكرها صحيح انسانه 
وطِـلعت حد بجد سخيف 
 ده اللى يسيب الحب بــ حِـجه 
 يبقى محبش .. يبقى ضعيف 
شكل الدنيا بدونك انت 
 اسف جدا شكله مخيف 
عارف انى حكيتلك ياما 
 نفسي يارب ف كلمه اخيره 
 لو تسمح ..." ودينى اليك "

Views:
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين