2054208194886930964305459023536687124329124620425345324432245227212526005525430010231005910972575227800005423858567245242500231905922702611555

6/22/2017

الجواز زي البطيخه.



بريد القراء أعداد: هويدا صابر. 

تعرف فلان أه أعرفه ، عاشرته لا ، يبقي متعرفوش.

دي بالظبط حياتنا وطريقة أختيارتنا خصوصا في الجواز ، الجواز معروف أنه زي البطيخه ، أنتي ونصيبك بختك يا أبو بخيت زي مبنقول.

الندااااء الأخير الجواز مفيهوش أنا أخترت فلان لأني قولت لنفسي أصله هيكون كذا عشان كذا ، ومفيهوش أنا أخدت فلانه أصلي قولت دي أللي هتراعي ربنا فيه ، حضراتكم قولتوا الكلام دا علي أساس أيه ، مش فيه فترة خطوبه ، ولاااااازم كل واحد فيكم هيظهر حاجات من طباعه حتي ولو بسيطه مهما أتجمل ، زي الطبع العصبي هيتداري أزاي أو البخل هيتداري أزاي ....ألخ ، دي حياه هتتعاش مره واحده والخروج منها بيكون بخساير مش هينه ، يبقي لازم نفكر وندرس قدر الأمكان ، وبلاش تسرع وبلاااااااش تخمين دا هيطلع أو هتطلع كذا......


دي مشكلة السائله ....

السلام عليكم أنا أتجوزت واحد أكبر منى ب11سنه و كنت فاكره أنه هيكون عاقل و يحتوينى و يحبنى و يعوضنى و قولت ملتزم و هيتقى الله فيه ، طلع لا بيعرف يتفاهم ولا يتكلم بهدوء وعلى طول عصبى و صعب النقاش معاه وزعلان مع أهله و سألته قالى مفيش ، ومش بيحكيلى زى الرجاله ما بتعمل مع زوجاتهم ولوخاصمنى ممكن يقعد شهر مبيجيش يصالحنى حتى لو شافنى تعبانه ولا كأنى موجوده ولا بيعبرنى غير لما أروح أصالحه وبيعاملني بقسوه وجفاء مفيش ليونه ولا بيسايس ودايما يزعق و يقول كلمتى هى اللى هتمشى و هتسمعى الكلام بمزاجك أو غصب عنك و أنا كده وأسلوبى كده وإن كان عاجبك وأسهل حاجه لما نزعل يقولى هجيبلك أبوكي وأنا أبويه غلبان عايز يستر بنته ، ومش عايز فضايح فأبويه بيجى عليه عشان خاطره رغم أنه عارف أنه غلطان ، لغايه الأمتحانات أبويه أتنازل وقاله طالما هى مش فاضيه تذاكر متكملش عشان خاطر منزعلكش وبعت لأبوه وأخوه الكبير ، وأنا عايشه مع أهله فهو هيفطر في الشغل فقولتله خلاص ملوش لازمه أنزل أطبخ و هاكل في شقتى عشان أذاكر و مرات أخوك تطبخ لهم وهما أللى هياكلوا راح زعق و شخط ، فأنا خبطت بأيدى في صدره وقولتله حرام عليك وطى صوتك راح قالى أنتي بتضربينى و جاب أبويه يقوله أتهجمت عليه وضربتنى و عالت صوتها عليه ، وأنا والله ما عملت كده و بيكدب وبيتحجج بأى حاجه وأبويه لما جه قعد يزعق وهو بيكلم أبويه ومعملش أحترام ليه وأبويه يقوله أنت بتزعق ليه يابنى أحنا مش جنب بعض أومال معاها بتعمل أيه قاله أنا كده و دى طريقتى أبويه يقوله ماشى يابنى أنت على دماغنا ، وأبوه هو لما طلع مع أخوه قالوله الموضوع مش مستاهل فيها أيه لو أكلت لوحدها طالما أنت هتفطر في الشغل أيه لزمتها الهيصه ، ولو حتى زعقت ليك هى مراتك و كانت متعصبه ، وأخوه قاله ألتمس ليها العذر أنها حامل وأكيد أتنرفزت يقوله أزاى يعنى أزاااااااى ، ومحدش مالى عينه ومتجوزه من شهور ومن يوم ما عرفته وهو منكد عليه و من أول أسبوع زواج ببكى على بختى ده لما بيزعلنى بيسبنى باليومين زعلانه وأنا أللى بروح أصالحه بقول أعمل بحديث من باتت وزوجها غاضب عليها لعنتها الملائكه حتى تصبح ، فبتقى الله فيه ، وبحط ربنا قدامى فى كل تصرف معاه لدرجه ببوس رجله و أعمله مساج على جسمه كله و أقصله ضوافره و تعبانه بجهز السحور ، وأقوم أعملة شاى مفيش مراعاه أنك تعبانه أو قاعده تذاكرى شويه علي الكتاب أبدا مفيش وبتقى الله فيه ، كل طباعه دي رغم أنه بيصلى التهجد كل يوم ويقرأ فيها جزء لكن قرأته غلط في التشكيل ، و لما بصلى معاه بردوا بلاقي أخطاء لغويه في قرأته فبقوله ، عندك أخطاء لغويه كتير يقولى عايزه تفهمينى أنك مش بتغلطى ولما أنتقده يقولى أصمله عليكى ياختى ، أقوله أنا مراتك هو أنا واحد صاحبك دا أنا مراتك وبقولك عشان تصلح من نفسك ، وأقوله شايف فلان بيعامل مراته أزاى شايف فلان بيعمل مع مراته أيه وأقوله عايزه أسمع كلام رومانسى يقولى مبعرفش حظك كده ، أقوله لما جوزي مش هيقولى مين هيقولى طيب هاتلى هديه أنشاله ورده من الشارع هاتها ولا خرجنى حتي ولو علي أول الشارع ، ونرجع تانى ، أوخدنى علي البحر يوم وأرجع..

السائلة الكريمة:
 أنتي أشتكيتي ومتضرره من حياتك وبدأتي كلامك بأنه أكبر منك ب 11 سنه ، ودي مش مشكلة أكبر منك أو أصغر منك أو في سنك المهم التفاهم وأللي بيبان أكيد في فترة الخطوبه ، ثانيا مش كل واحد أو واحده بيصوموا أوبيصلوا أو بيقروا قرأن يبقي لازم طباعهم تكون ممتازه أو علي الأقل جيده ، الصوم والصلاة حاجه أساسيه لكن مش مقياس للحكم علي حد ، ومن الواضح أنك متجوزه صغيره في السن لأنك لسه بتدرسي ، ومن مجمل كلامك أنك أنتي وأبوكي بتحاولوا ترضوه بكل الطرق لدرجه أن اللحظه أللي أبوكي أعترض فيها علي صوته العالي أعتذرله بعدها علي طول ، وأللي تشوفه أقعدها من الجامعه بس متزعلش ، وبدأتي كلامك بأن أبوكي غلبان وعايز يستر بنته ، يا عزيزتي الستر حاجه والتنازل حاجه تانيه خالص ، هو جوزك هيعرف منين غلطه لما أنتي وأبوكي كل متاخدوا موقف معاه ترجعوا فيه تاني ، والأهم طريقة معاملتك ليه ببوس رجله وبعمله مساج وبقصله ضوافره وأحضرله السحور ، ومن غير زعل أستحاله زوجه هتعمل دا كله لزوجها غير إذا كانت بتحبه أو مش مصدقه نفسها أنها اتجوزت الانسان دا وفي الحالتين هتحاول تعمل عشانه أي حاجه ، والغريبه أن في نفس الوقت تعملي كل دا وبعدها تقولي مفيش مراعاه أن في واحده قاعده بتذاكر يعني الأحتمال التاني أقوي مش حب كان بالنسبالك جوازة الأحلام ، لانك بتعملي الحاجه وعكسها في نفس الوقت طيب أزاي ، في حاجه أخيره أنتي بتنقديه طول الوقت مش سايبه ليه مساحه أنه يتصرف منه لنفسه ، بيصلي نقد ، بيقرا قرأن نقد ، أشمعنا فلان بيعامل مراته أزي وغيرها ، أيه دا وتقولي بتقي الله فيه وأهم حاجه عندك مينامش وهو غضبان عليه.

أنتي للأسف بتعملي الحاجه وعكسها ومش عارفه أنتي عايزه أيه ، ووجهة نظري الشخصيه أنك أتجوزتيه لسبب أنتي بينك وبين نفسك عارفاه كويس جدا ، غير الكلام أللي قولتيه في بداية كلامك أكبر مني ويتقي ربنا فيه والكلام دا ، علي فكره هو مش رجل عجوز دا شاب بردوا لسه تمام ، ياريت تعيدي حساباتك مع نفسك وتقعدي يومين في بيت أبوكي بحجة أنك تعبانه لأنك غلط في حاجات كتير ، وتكون فرصه تفكري لوحدك وتشوفي أنتي عايزه أيه ، هترجعي بيتك تاني طريقتك تتغير وتبطلي نقد فيه مفيش رجل بيقبل بدا ، ولا يقبل بمد أيدك عليه ، ومن كلامك أنه عصبي وبيزعق وعايز كلامه يمشي لكن مضربكيش ، العصبيه علاجها اللين منك في التعامل معاه يعني يكون لسانك حلو وأنتي بتتكلمي معاه وحوارتك تكون فيها ذوق وتختاري كلامك وتفكري فيه قبل متقوليه لحد متتعودي أن دي تكون طريقة كلامك ، مش أغسل رجله وأبوسها وبعدها أنقده وأقوله شايف الرجاله ، خليكي ذكيه وهاديه ومتقارنيش بينه وبين حد نهائي ، تقوليله ممكن نعمل كذا قالك لأ تقوليله حاضر وتحاولي تاني وفي كل مره تكلميه بهدوء ، وربنا يصلح لكم الأحوال ويهديكم لبعض.






Views:
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين